Egin arrauna Orion!!

Arraunketak garrantzi handia du Orion eta gure herriko arraunlariak maila gorenean daude. Zuk ere goi mailako arraunlariak bezala arrauna egin nahi baduzu etorri Oriora eta  Arraunetxen (Orioko arraunketa eta piraguismoko teknifikazio zentroa) dagoen Begi Bistan  enpresak arrauna egiteko 2 esperientzia bikainak eskainiko dizkizu: Euskadi eta arrauna " eta " Izan zaitez arraunlari egun batez " .

 

1.-ARRAUNLARI EGUN BATEZ

Arraunketak garrantzia handia du Orion.1901ean irabazi zuen herriko traineruak lehen aldiz Donostiako Kontxako estropada, eta, geroztik, beste 31 aldiz ere irabazi du.
Orioko arraunlariak Oria ibaian entrenatzen dira egunero eta orain guk ere 3 arraun- ontzi desberdinetan igota Oria ibaiaz gozatzeko aukera izango dugu eta egun batez arraunlari sentituko gara : trainerua, kayak-a eta raft-a .

 

 

2.-EUSKADI ETA ARRAUNA

Esperientziaren abiapuntua Arraunetxe izango da, Orioko Arraunketa eta Piraguismoko Teknifikazioko Zentroa. Zentroan, arrantza tradizioa eta arraunaren eta traineruen kirol jarduera lotzen dituen mundu zirraragarri batean murgilduko gara, gida profesional baten eskutik eta zentroko ikus-entzunezkoen eta bestelako baliabideen laguntzaz. Hurbilagotik ezagutuko ditugu balearen arrantza, industria, bilaketa, Ternuako bidaldiak eta ofiziotik kirolerako aldaketa; hala, arraunaren iraganeko ikuspegitik gaur egungo ikuspegira jauzi egingo dugu, lehiako kirolaren ikuspegira: ontzi motak, txapelketak, teknikak, materialak, etab.

Kontxako Banderan lehian jardundako traineru batera igoko gara gero. Ordubetez, arraunlari peto-petoa sentituko zara; horretarako, bertako begirale aditu baten laguntza izango duzu (eskarmentu handiko begiralea, arraunketako domina ugari eskuratutakoa).
Gero, zentroaren punta-puntako instalazioak bisitatuko ditugu (Europako goren mailako arraunlarien bilgune izaten dira, urtez urte). Eta, amaitzeko, Satxota sagardotegira joko dugu; itsasoaren eta sagardoaren arteko loturaz gozatu, artean martxan duten dolare tradizional bat ikusi eta, jakina, bertan egindako sagardoa dastatu ahal izango dugu sagardotegian.

Informazio gehiagorako: Begi Bistan, 657 794 677 eta 688 895 015